Pochettino e mendon seriozisht kalimin te Manchester United

13:36 | 23 Nëntor 2021
A. B.

Mauricio Pochettino thuhet se është i gatshëm që të shkëpusë kontratën me Paris Saint-Germainin, në mënyrë që të bëhet trajner i Manchester United.

Sipas asaj që raporton talkSPORT, argjentinasi nuk mund të përballojë egon e madhe të disa prej lojtarëve.

Kështu, përfaqësuesit e Pochettinos kanë filluar bisedimet me klubin nga Parisi për të shkëputur kontratën.

PSG fillimisht thuhet se po refuzon një gjë të tillë, pasi do të jetë e vështirë që të gjejë një trajner të profilit të lartë në këtë mes sezon.

Zinedine Zidane po ashtu lidhet me një kalim në Old Trafford, mirëpo bashkëshortja e tij nuk e preferon motin në Angli.

Andaj, Pochettino mund të kalojë në Manchester, pasi aktualisht familjen e ka në Londër dhe vetë jeton në një hotel.

Zidane mund të pajtohej të kalonte si trajner i PSG-së, gjë që do të ishte më e lehtë për argjentinasit që të zëvendësonte Ole Gunnar Solskjaerin te Unitedi. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm